ലിസ്ബണ്‍: റയല്‍ മാഡ്രിഡ് ഫുട്‌ബോള്‍ താരം ക്രിസ്റ്റ്യാനോ റൊണാള്‍ഡോക്ക് പോര്‍ച്ചുഗല്‍ പ്ലയര്‍ ഓഫ് ദി ഇയര്‍ പുരസ്‌കാരം. തുടര്‍ച്ചയായ മൂന്നാം തവണയാണ് ക്രിസ്റ്റ്യാനോ ഈ നേട്ടം സ്വന്തമാക്കുന്നത്.
മാഞ്ചസ്റ്റര്‍ സിറ്റി താരം ബെര്‍ണാഡോ സില്‍വ, സ്‌പോര്‍ട്ടിങ് ഗോള്‍ കീപ്പര്‍ പാട്രിക്കോ എന്നിവരെ മറികടന്നാണ് താരം അവാര്‍ഡ് സ്വന്തമാക്കിയത്. 65 ശതമാനം വോട്ടുനേടിയാണ് അവാര്‍ഡ് സ്വന്തമാക്കിയത്. പാട്രിക്ക് 18 ശതമാനം വോട്ടുനേടിയപ്പോള്‍ ബെര്‍ണാഡോ സില്‍വ 17 ശതമാനം വോട്ടു നേടി. 2017ല്‍ ബാലന്‍ ഡിഓര്‍ പുരസ്‌കാരം നേടിയ താരം ഫിഫ ദ ബെസ്റ്റ് എന്ന പുരസ്‌കാരവും സ്വന്തമാക്കിയിരുന്നു.
46 മത്സരത്തില്‍ നിന്ന് 42 ഗോളുകളാണ് ക്രിസ്റ്റിയുടെ ഈ സീസണിലെ സമ്പാധ്യം. മോണോക്കോ പരിശീലകന്‍ ലിയനാര്‍ഡോ ജര്‍ഡിം മികച്ച പരിശീലകനുള്ള അവാര്‍ഡ് സ്വന്തമാക്കി.