റോം: തുടക്ക് പരുക്കേറ്റ ഇറ്റാലിയന്‍ ഡിഫന്‍ഡര്‍ ജിയോര്‍ജിയോ ചെല്ലിനി ഈ മാസം നടക്കുന്ന സൗഹൃദ മത്സരങ്ങളില്‍ നിന്ന് പിന്മാറി. യുവന്റസ് അധികൃതരാണ് ഇക്കാര്യം അറിയിച്ചത്. മാര്‍ച്ച് 23ന് അര്‍ജന്റീനക്ക് എതിരേയും ഇംഗ്ലണ്ടിനെതിരേയും നടക്കുന്ന മത്സരങ്ങളാണ് ചെല്ലിനിക്ക് നഷ്ടമാവുക.
യുവന്റസും സ്പാലും തമ്മിലുള്ള മത്സരത്തിലാണ് ചെല്ലിനിക്ക് പരുക്കേറ്റത്. ഉടന്‍ തന്നെ പരുക്ക് മാറി താരം ടീമിനൊപ്പം ചേരുമെന്ന് ഇറ്റാലിയന്‍ ഫുട്‌ബോള്‍ അധികൃതര്‍ ട്വിറ്ററില്‍ കുറിച്ചു. മാര്‍ച്ച് 31ന് എ. സി മിലാനെതിരേ നടക്കുന്ന മത്സരത്തില്‍ ചെല്ലിനി കളിച്ചേക്കും. ഏപ്രില്‍ മൂന്നിന് റയല്‍ മാഡ്രിഡുമായുള്ള ചാംപ്യന്‍സ് ലീഗ് ക്വാര്‍ട്ടര്‍ ഫൈനലിലും ചെല്ലിനി കളിക്കും.