റിയാദ്: വ്യാജ കിസ്‌വ ഓണ്‍ലൈനില്‍ വില്‍പനക്ക്. ഏഴു വര്‍ഷം മുന്‍പ് കഅ്ബയില്‍ ഉപയോഗിച്ച കിസ്‌വയുടെ കഷ്ണം എന്ന നിലക്കാണ് വില്‍പ്പനക്കെത്തിയിരിക്കുന്നത്.
എന്നാല്‍, ഇത് വ്യാജമാണെന്നും യഥാര്‍ഥ കിസ്‌വയല്ലെന്നും കഅ്ബയുടെ ചുമതലയുള്ള അല്‍ ശൈബി കുടുംബത്തിലെ മുതിര്‍ന്ന അംഗം അബ്ദുല്‍ മാലിക് അല്‍ ശൈബി വ്യക്തമാക്കി.
അല്‍ ശൈബി കുടുംബത്തിന്റെ അനുമതി ലഭിച്ചിട്ടുണ്ടെന്ന പ്രസ്താവനയോടെയാണ് 80 ലക്ഷം റിയാല്‍ വിലയിട്ട് കിസ്‌വ ഓണ്‍ലൈനില്‍ വില്‍പനക്കുള്ളതെന്നു പ്രദേശിക മാധ്യമങ്ങള്‍ റിപ്പോര്‍ട്ട് ചെയ്തു. കിസ്‌വയുടെ ഭാഗങ്ങള്‍ വില്‍പന നടത്താറില്ലെന്നും മറിച്ച് സര്‍ക്കാര്‍ നിയന്ത്രണത്തില്‍ തന്നെ പ്രത്യേക സ്ഥലത്ത് സൂക്ഷിക്കുക മാത്രമാണ് ചെയ്യുന്നതെന്നും അബ്ദുല്‍ മാലിക് അല്‍ ശൈബി കൂട്ടിച്ചേര്‍ത്തു.