മട്ടാഞ്ചേരി: ഫോര്‍ട്ടുകൊച്ചി അമരാവതിയിലെ ഗവ:യു .പി .സ്‌കൂളില്‍ കള്ളന്‍ കയറി. ബുധനാഴ്ച രാത്രിയിലാണ് മോഷ്ടാവ് കയറിയതെന്നാണ് സംശയിക്കുന്നത്.
രണ്ട് മുറികളിലെ പൂട്ടുകള്‍ തകര്‍ത്ത നിലയില്‍ കാണപ്പെട്ടു.രാവിലെ അദ്ധ്യാപകരെത്തിയപ്പോഴാണ്  മോഷണശ്രമം അറിഞ്ഞത് .
അതെ സമയം ഒന്നും നഷ്ടപ്പെട്ടതായി കാണുന്നില്ല എന്നാണ് പ്രധാന അധ്യാപിക പറഞ്ഞത്.
ഫോര്‍ട്ടുകൊച്ചി പൊലിസില്‍ പരാതി നല്‍കിയതിന്റെ അടിസ്ഥാനത്തില്‍ വിരലളയാട വിദദ്ധരെത്തി തെളിവുകള്‍ ശേഖരിച്ചു.
പൂട്ടുകള്‍ തകര്‍ക്കാന്‍ ഉപയോഗിച്ച പാരകള്‍ പൊലീസ് കണ്ടെടുത്തു. മഴക്കാലമായതോടെ മേഖലയില്‍ മോഷ്ടാക്കളുടെ ശല്യം ഏറിയിട്ടുണ്ടെന്ന് പ്രദേശവാസികള്‍ പറഞ്ഞു.