ന്യൂഡല്‍ഹി: ഒമ്പതാം ക്ലാസുകാരിയായ വിദ്യാര്‍ത്ഥിനി വീടിനുള്ളില്‍ തൂങ്ങിമരിച്ച സംഭവത്തില്‍ രണ്ട് അധ്യാപകര്‍ക്കെതിരെ പരാതിയുമായി മാതാപിതാക്കള്‍. അധ്യാപകര്‍ കുട്ടിയെ അധ്യാപകര്‍ ലൈംഗികമായി പീഡിപ്പിച്ചെന്നാണ് ആരോപണം.

ഉത്തര്‍ പ്രദേശിലെ നോയിഡയില്‍ ചൊവ്വാഴ്ചയാണ് 15കാരിയായ ഐകിഷ രാഘവ് ഷായെ വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തിയത്.

അധ്യാപകരെ കുറിച്ച് ഐകിഷ നിരന്തരം പരാതി പറയാറുണ്ടെന്നും സ്‌കൂളില്‍ പോകാന്‍ മടിക്കാണിക്കാറുണ്ടെന്നും മാതാവ് പൊലിസിന് നല്‍കിയ പരാതിയില്‍ ആരോപിച്ചു. ഐകിഷയെ അവര്‍ തുടര്‍ച്ചയായി പരീക്ഷകളില്‍ തോല്‍പിക്കാറുണ്ടായിരുന്നുവെന്നും പരാതിയിലുണ്ട്. പരീക്ഷയില്‍ തോറ്റതിനെ തുടര്‍ന്ന് കടുത്ത സമ്മര്‍ദ്ദത്തിലായിരുന്നു ഐകിഷ എന്ന് മാതാപിതാക്കള്‍ പറഞ്ഞു.

അധ്യാപകര്‍ക്കെതിരെ പൊലിസ് കേസെടുത്തു. പുറത്ത് പോയ മാതാപിതാക്കള്‍ ചൊവ്വാഴ്ച വൈകീട്ട് ആറു മണിയോടെ വീട്ടില്‍ തിരിച്ചെത്തിയപ്പോഴാണ് ഐകിഷയെ തൂങ്ങി മരിച്ച നിലയില്‍ കണ്ടെത്തിയത്. കഥക് നര്‍ത്തകി കൂടിയായിയാരുന്നു ഐകിഷ.