കാവുംമന്ദം: വേനല്‍ കടുത്ത് കുടിവെള്ളം പോലും വറ്റിത്തുടങ്ങുന്ന ഈ സമയത്ത് പറവകള്‍ക്ക് തണ്ണീര്‍ കുടമൊരുക്കി സഹജീവി സ്‌നേഹത്തിന്റെ മാതൃകയാവുകയാണ് തരിയോട് ജി.എല്‍.പി സ്‌കൂള്‍ വിദ്യാര്‍ഥികള്‍.
സ്‌കൂളിലെ മരച്ചില്ലകളിലും വിവിധ ഭാഗങ്ങളിലും തണ്ണീര്‍ കുടമൊരുക്കുന്നതോടൊപ്പം സ്‌കൂളിലെ മുഴുവന്‍ വിദ്യാര്‍ഥികളുടെയും അധ്യാപകരുടെയും വീടുകളിലും പറവകള്‍ക്കുള്ള കുടിവെള്ള സൗകര്യമൊരുക്കുകയാണിവര്‍. പറവകള്‍ക്കൊരു നീര്‍ക്കുടം ജില്ലാ അസിസ്റ്റന്റ് ഡവലപ്പ്‌മെന്റ് കമ്മീഷണര്‍ പി.സി മജീദ് ഉദ്ഘാടനം ചെയ്തു. പി.ടി.എ പ്രസിഡന്റ് ഷമീം പാറക്കണ്ടി അധ്യക്ഷനായി. പ്രധാനാധ്യാപിക വല്‍സ പി മത്തായി സ്വാഗതവും എം.എ ലില്ലിക്കുട്ടി നന്ദിയും പറഞ്ഞു.
സലീം വാക്കട, കെ സന്തോഷ്, സിനി അനീഷ്, ഷംസിയ നൗഫല്‍, ലീന രതീഷ്, മിര്‍ഷാന ജംഷിദ്, വി മുസ്തഫ, എം മാലതി, എം.പി.കെ ഗിരീഷ്‌കുമാര്‍, പി.ബി അജിത, പി ഷിബുകുമാര്‍, സി.സി ഷാലി, ടി സുനിത സംസാരിച്ചു.