ആലുവ: ദേശീയ മാസ്റ്റേഴ്‌സ് അത്‌ലറ്റിക് ചാംപ്യന്‍ഷിപ്പില്‍ രണ്ട് മെഡലുകള്‍ കരസ്ഥമാക്കിയ ജനസേവ ശിശുഭവന്‍ ചെയര്‍മാന്‍ ജോസ് മാവേലിക്ക് ചൂര്‍ണിക്കര പഞ്ചായത്തിന്റെ അനുമോദനം.
ചൂര്‍ണിക്കര പഞ്ചായത്തിലെ താമസക്കാരായ പ്രതിഭകളെ ആദരിക്കുന്നതിനായി ചവര്‍പ്പാടശേഖരത്ത് സംഘടിപ്പിച്ച ചടങ്ങില്‍വച്ച് അങ്കമാലി ടെല്‍ക്ക് ചെയര്‍മാന്‍ എന്‍.സി മോഹനന്‍ ജോസ് മാവേലിക്ക് പഞ്ചായത്തിന്റെ പുരസ്‌ക്കാരം നല്‍കി ആദരിച്ചു. പഞ്ചായത്ത് പ്രസിഡന്റ് എ.പി ഉദയകുമാര്‍ അധ്യക്ഷത വഹിച്ചു. സിനിമാതാരം കവിയൂര്‍ പൊന്നമ്മ ചടങ്ങില്‍ മുഖ്യാതിഥിയായി പങ്കെടുത്തു.
2018 ഫെബ്രുവരി 21 മുതല്‍ 25 വരെ ബാംഗ്‌ളൂര്‍ ശ്രീകണ്ഠീവര സ്റ്റേഡിയത്തില്‍ നടന്ന 39-ാമത് ദേശീയ മാസ്റ്റേഴ്‌സ് അത്‌ലറ്റിക് ചാംപ്യന്‍ഷിപ്പില്‍ 4 ഃ 100 മീറ്റര്‍ റിലേയിലും 4 ഃ 400 മീറ്റര്‍ റിലേയിലുമാണ് ജോസ് മാവേലി ഒന്നാംസ്ഥാനത്ത് ഓടിയെത്തി രണ്ട് സ്വര്‍ണമെഡല്‍ കരസ്ഥമാക്കിയത്.