കൂത്തുപറമ്പ്: കതിരൂര്‍ പൊലിസ് സ്റ്റേഷന്‍ പരിധിയിലെ നായനാര്‍ റോഡിനടുത്ത് നാമത്ത്മുക്കില്‍ അത്യുഗ്രസ്‌ഫോടന ശേഷിയുള്ള അഞ്ചു ബോംബുകള്‍ പൊലിസ് കണ്ടെടുത്തു. മൂന്നു നാടന്‍ ബോംബുകളും രണ്ടു സ്റ്റീല്‍ ബോംബുകളുമാണു പിടികൂടിയത്. കുടിവെള്ളമെത്തിക്കാനായി റോഡരികില്‍ ഇറക്കിയ വലിയ പൈപ്പിനകത്ത് പ്ലാസ്റ്റിക്ക് കവറിലാക്കി ഒളിപ്പിച്ച നിലയിലായിരുന്നു ബോംബുകള്‍. വിവരം ലഭിച്ചതനുസരിച്ച് കതിരൂര്‍ എസ്.ഐ സുരേന്ദ്രന്‍ കല്യാടന്റെ നേതൃത്വത്തിലെത്തിയ പൊലിസ് സംഘം ബോംബുകള്‍ സ്റ്റേഷനിലേക്കു മാറ്റുകയും പിന്നീടു ബോംബ് സ്‌ക്വാഡിന്റെ സഹായത്തോടെ നിര്‍വീര്യമാക്കുകയും ചെയ്തു.