ചേലക്കര : കേന്ദ്ര സര്‍ക്കാരിന്റെ കീഴിലുള്ളമായന്നൂരിലെ പ്രമുഖ സ്‌കൂളിലെ ആറാം ക്ലാസ് വിദ്യാര്‍ഥിനിയെ നിരന്തര പീഢനത്തിന് വിധേയമാക്കിയ കേസില്‍ സ്‌കൂളിലെ സംഗീത അധ്യാപകന്‍ പാലക്കാട് സ്വദേശി രഘുനന്ദന് വേണ്ടി പൊലിസ് അന്വേഷണം ഊര്‍ജിതമാക്കി. സ്‌കൂള്‍ പ്രിന്‍സിപ്പലിന്റെ പരാതിയെ തുടര്‍ന്ന് അധ്യാപകനെതിരെ പൊലിസ് കേസെടുത്തിട്ടുണ്ട്. അധ്യാപകന്‍ തന്നെ പീഢിപ്പിക്കുന്ന വിവരം ആറാം ക്ലാസുകാരി സീനിയര്‍ വിദ്യാര്‍ഥികളെ അറിയിക്കുകയും ഇവര്‍ പ്രിന്‍സിപ്പലിനെ വിവരം അറിയിക്കുകയുമായിരുന്നു.
പ്രിന്‍സിപ്പലാണ് പൊലിസില്‍ റിപ്പോര്‍ട്ട് ചെയ്തത്. പോക്‌സോ നിയമപ്രകാരമാണ് കേസ്. അധ്യാപകനു വേണ്ടി അന്വേഷണം ഊര്‍ജിതമാക്കിയതായി പൊലിസ് അറിയിച്ചു.