പെരിന്തല്‍മണ്ണ: ജില്ലാ മുസ്‌ലിം യൂത്ത് ലീഗ് കമ്മിറ്റി സംഘടിപ്പിക്കുന്ന സംവേദന യാത്ര നാളെ വൈകീട്ട് നാലിന് പെരിന്തല്‍മണ്ണയിലെത്തും. ടൗണ്‍ ഹാളില്‍ സ്വീകരണം നല്‍കും. ഇതോടൊപ്പം പി.എം ഹനീഫ്‌സ് സ്‌കൂള്‍ ഓഫ് പൊളിറ്റിക്കല്‍ എംപവര്‍മെന്റ്(ഹോപ്)ന്റെ ലോഞ്ചിങും നടക്കും.
നാലിന് സംവേദന യാത്രക്കുള്ള സ്വീകരണം ജില്ലാ മുസ്‌ലിം ലീഗ് സെക്രട്ടറി ഉമ്മര്‍ അറക്കല്‍ ഉദ്ഘാടനം ചെയ്യും. മുജീബ് കാടേരി മുഖ്യപ്രഭാഷണം നടത്തും. ഏഴിന് നടക്കുന്ന ഹോപ് ലോഞ്ചിങ് മുസ്‌ലിം യൂത്ത് ലീഗ് ദേശീയ സെക്രട്ടറി സി.കെ സുബൈര്‍ നിര്‍വഹിക്കും.
മഞ്ഞളാംകുഴി അലി എം.എല്‍.എ മിനുട്‌സ് വിതരണവും പി. അബ്ദുല്‍ ഹമീദ് എം.എല്‍.എ സന്ദേശ പ്രഭാഷണവും നടത്തും. തുടര്‍ന്ന നടക്കുന്ന ക്ലാസുകള്‍ക്ക് പി. മുജീബ് റഹ്മാന്‍, ഉസ്മാന്‍ താമരത്ത്, യോഗ്യന്‍ ഹംസ മാസ്റ്റര്‍ നേതൃത്വം നല്‍കും.