മലപ്പുറം: 'കരുതി വെക്കാം ജീവന്റെ തുള്ളികള്‍ നാളേക്കായ്' എന്ന പ്രമേയത്തില്‍ സമസ്ത കേരള സുന്നി ബാല വേദി സംസ്ഥാന വ്യാപകമായി ആചരിക്കുന്ന രണ്ടു മാസക്കാലം നീണ്ടുനില്‍ക്കുന്ന കാംപയിന്റെ ഈസ്റ്റ് ജില്ലാതല ഉദ്ഘാടനം പൂക്കോട്ടൂര്‍ പള്ളിപ്പടി മദ്‌റസയില്‍ യ്യിദ് മാനു തങ്ങള്‍ വെള്ളൂര്‍ നിര്‍വഹിച്ചു. അബ്ദുസമദ് പൂക്കോട്ടൂര്‍ പ്രമേയപ്രഭാഷണം നടത്തി. സയ്യിദ് സ്വദഖത്തുള്ള തങ്ങള്‍ അരിമ്പ്ര അധ്യക്ഷനായി. ശഹ്‌സിന്‍ പള്ളിപ്പടി, അലവിക്കുട്ടി ഫൈസി പുല്ലാര, സഫറുദ്ദീന്‍ പൂക്കോട്ടൂര്‍, മുസ്തഫ മുസ്‌ലിയാര്‍, ഹബീബ് ഫൈസി, നജീബ്.എന്‍, എന്‍. മുഹമ്മദ് അസ്‌ലഹ്, അന്‍സര്‍ സംബന്ധിച്ചു.