തൃക്കരിപ്പൂര്‍: മുനവിറുല്‍ ഇസ്‌ലാം മദ്‌റസ മാനേജിങ് കമ്മിറ്റി പണിത മുനവിര്‍ വിദ്യാഭ്യാസ സമുച്ചയം ജൂലൈ ആദ്യവാരത്തില്‍ നാടിനു സമര്‍പ്പിക്കും. മത ഭൗതിക സമന്വയ വിദ്യാഭ്യാസം, വിവിധ കോഴ്‌സുകള്‍, സിവില്‍ സര്‍വിസ് പരിശീലനം, കൗണ്‍സിലിങ് സെന്റര്‍ തുടങ്ങിയ നിരവധി പദ്ധതികളാണ് വിദ്യാഭ്യാസ സമുച്ചയത്തില്‍ ഒരുങ്ങുക. ജൂലൈ ആദ്യവാരത്തില്‍ നടക്കുന്ന ചടങ്ങില്‍ മത സാമൂഹ്യ രാഷ്ട്രീയ പ്രമുഖര്‍ സംബന്ധിക്കും.
സംഘാടക സമിതി ഭാരവാഹികളായി മാണിയൂര്‍ അഹമ്മദ് മുസ്‌ലിയാര്‍ (മുഖ്യ രക്ഷാധികാരി), ടി.പി കുഞ്ഞബ്ദുല്ല ഹാജി (ചെയര്‍മാന്‍), വി.പി.പി അബ്ദുറഹീം (വര്‍ക്കിങ് ചെയര്‍മാന്‍), ബഷീര്‍ കുന്നുമ്മല്‍ (ജന. കണ്‍വീനര്‍), സി. അബ്ദുറസാഖ്, സി.കെ സൈയ്ദു ഹാജി (ജോ കണ്‍വീനര്‍), യു.പി ശരീഫ് (ട്രഷറര്‍) എന്നിവരെ തിരഞ്ഞെടുത്തു.