തിരുവനന്തപുരം: ആഗോളതാപനത്തെയും കാലാവസ്ഥാ വ്യതിയാനത്തെയും പ്രതിരോധിക്കുകയെന്ന സന്ദേശവുമായി നാളെ രാത്രി എട്ടര മുതല്‍ ഒന്‍പതര വരെ ഭൗമമണിക്കൂര്‍ ആചരിക്കും.
വീടുകളിലെയും ഓഫിസുകളിലെയും കടകളിലെയും വൈദ്യുതി വിളക്കുകള്‍ അണച്ച് പരിപാടിയില്‍ പങ്കാളികളാകണമെന്ന് ഡബ്ല്യു.ഡബ്ല്യു.എഫ് സ്റ്റേറ്റ് ഡയറക്ടര്‍ രഞ്ജന്‍ മാത്യു വര്‍ഗീസ് അഭ്യര്‍ഥിച്ചു.
സംസ്ഥാനത്ത് പരിസ്ഥിതി കാലാവസ്ഥാ വ്യതിയാന വകുപ്പ്, കെ.എസ്.ഇ.ബി, എനര്‍ജി മാനേജ്‌മെന്റ് സെന്റര്‍, മ്യൂസിയം, മൃഗശാലാ വകുപ്പ് എന്നിവയുടെയും വിവിധ സംഘടനകളുടെയും സഹകരണത്തോടെയാണ് ഭൗമമണിക്കൂര്‍ ആചരിക്കുന്നത്.