മഞ്ചേരി: കോഴിക്കോട് ഇടിയങ്ങര ശൈഖ് മഖാം വിപുലീകരണത്തിനായി ഇന്ന് പള്ളികളില്‍ നടത്തുന്ന വിഭവ സമാഹരണം വന്‍വിജയമാക്കാന്‍ മുഴുവന്‍ ദാരിമികളും ഹൈതമികളും കര്‍മ രംഗത്തിറങ്ങണമെന്ന് ദാരിമീസ് സെന്‍ട്രല്‍ കൗണ്‍സില്‍ നേതാക്കള്‍ അറിയിച്ചു.
ആയിരങ്ങള്‍ സിയാറത്തിനെത്തുന്ന മഖാമില്‍ കൂടുതല്‍ സൗകര്യങ്ങളൊരുക്കുകയെന്ന ലക്ഷ്യത്തോടെ വിപുലമായ പദ്ധതികള്‍ക്കായാണ് ധനസമാഹരണം നടത്തുന്നത്.
അതിനായി ദാരിമീസിന്റെ മുഴുവന്‍ ജില്ലാ കമ്മിറ്റികളും, പ്രവര്‍ത്തകരും മഹല്ലു കമ്മിറ്റി ഭാരവാഹികള്‍, ഖത്വീബുമാര്‍ എന്നിവരുമായി ബന്ധപ്പെട്ട് പ്രവര്‍ത്തിച്ച് വിഭവസമാഹരണം വിജയകരമായി പൂര്‍ത്തീകരിക്കണമെന്ന് നേതാക്കള്‍ ആവശ്യപ്പെട്ടു.