സിഡ്‌നി: ജൂനിയര്‍ ഷൂട്ടിങ് ലോകകപ്പില്‍ ഇന്ത്യയുടെ ഇളവെനില്‍ വാളറിവന് റെക്കോര്‍ഡോടെ സ്വര്‍ണം. വനിതകളുടെ പത്ത് മീറ്റര്‍ എയര്‍ റൈഫിള്‍ വിഭാഗത്തിലാണ് താരം 249.8 പോയിന്റുകള്‍ നേടി സുവര്‍ണ നേട്ടത്തിലെത്തിയത്. യോഗ്യതാ റൗണ്ടില്‍ മൊത്തം 631.4 പോയിന്റുകള്‍ നേടിയാണ് ഇന്ത്യന്‍ താരം പുതിയ ലോക റെക്കോര്‍ഡ് സ്ഥാപിച്ചത്. വ്യക്തിഗത വിഭാഗത്തിനൊപ്പം ടീമിനത്തിലും ഇളവെനില്‍ സുവര്‍ണ നേട്ടം സ്വന്തമാക്കി. പത്ത് മീറ്റര്‍ എയര്‍ റൈഫിള്‍ ടീമിനത്തില്‍ ശ്രേയ അഗര്‍വാള്‍, സീന ഖിത്ത എന്നിവര്‍ക്കൊപ്പമാണ് ഇളവെനില്‍ സ്വര്‍ണം വെടിവച്ചിട്ടത്.