പെരിന്തല്‍മണ്ണ: എം.ഇ.എ എന്‍ജിനീ യറിങ് കോളജില്‍ 40 കെ.ഡബ്ലിയു പവര്‍ശേഷിയുള്ള സോളാര്‍ പവര്‍ പ്ലാന്റിന്റെ ഉദ്ഘാടനം പി.വി അബ്ദുല്‍ വഹാബ് എം.പി നിര്‍വഹിച്ചു. പാണക്കാട് സാദിഖലി ശിഹാബ് തങ്ങള്‍, പാണക്കാട് മുനവ്വറലി ശിഹാബ് തങ്ങള്‍, പി.കെ കുഞ്ഞാലിക്കുട്ടി എം.പി, പി. അബ്ദുല്‍ ഹമീദ് എം.എല്‍.എ, എം.സി മായിന്‍ ഹാജി, ആബിദ് ഹുസൈന്‍ തങ്ങള്‍ എം.എല്‍.എ, അബ്ദുസ്സമദ് പൂക്കോട്ടൂര്‍, കോളജ് അഡ്മിനിസ്‌ട്രേഷന്‍ മാനേജര്‍ സി.കെ സുബൈര്‍, പ്രിന്‍സിപ്പല്‍ ഡോ. റെജിന്‍ എം. ലിനസ്, ഡയരക്ടര്‍ ഡോ. അബ്ദുല്‍ സലാം, വൈസ് പ്രിന്‍സിപ്പല്‍ ഹനീഷ് ബാബു, നാസ് എനര്‍ജി സൊലൂഷ്യന്‍ പ്രൈവറ്റ് ലിമിറ്റഡ് മാനേജിങ് ഡയരക്ടര്‍ ജോസഫ് ഡാനിയല്‍ സംബന്ധിച്ചു.
കെ.എസ്.ഇ.ബിയുടെ പവര്‍ ഗ്രിഡിലേക്കു നേരിട്ടു വൈദ്യുതി നല്‍കാന്‍ കഴിയുന്ന രീതിയിലാണ് ഇതു നിര്‍മിച്ചിട്ടുള്ളത്. ഈ സൗരോര്‍ജ സംവിധാനത്തിന് അനുബന്ധമായി 18 കാറുകള്‍ പാര്‍ക്ക് ചെയ്യാന്‍ കഴിയുന്ന പാര്‍ക്കിങ് സംവിധാനവും സോളാര്‍ പാനലുകള്‍ക്കു കീഴിലായി രൂപപ്പെടുത്തിയിട്ടുണ്ട്. കോഴിക്കോട് ആസ്ഥാനമായി പ്രവര്‍ത്തിക്കുന്ന നാസ് എനര്‍ജി സൊലൂഷ്യന്‍ പ്രവറ്റ് ലിമിറ്റഡ് എന്ന കമ്പനിയാണ് ഇതു നിര്‍മിച്ചത്.