മഞ്ചേരി: മഞ്ചേരി ഗവ. മെഡിക്കല്‍ കോളജ് പരിസരത്തെ മെഡിക്കല്‍ ഷോപ്പില്‍ മരുന്നു വാങ്ങാനെത്തിയ യുവതിയുടെ കുഞ്ഞിന്റെ 4.1 ഗ്രാം തൂക്കം വരുന്ന സ്വര്‍ണവള കവര്‍ന്ന സംഭവത്തില്‍ അറസ്റ്റിലായ പ്രതിയെ മഞ്ചേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി 14 ദിവസത്തേക്കു റിമാന്‍ഡു ചെയ്തു. പുല്ലാര ചെമ്പ്രമ്മല്‍ വാടകക്ക് താമസിക്കുന്ന പൂക്കോട്ടൂര്‍ പള്ളിപ്പടി പൂനൂര്‍ വീട്ടില്‍ ജംഷാദി (35) നെയാണ് മജിസ്‌ട്രേറ്റ് ഇ.വി റാഫേല്‍ റിമാന്‍ഡ് ചെയ്തു മഞ്ചേരി സബ് ജയിലിലയച്ചത്.
ചൊവ്വാഴ്ച രാവിലെയായിരുന്നു കേസിനാസ്പദമായ സംഭവം. കവര്‍ച്ച നടത്തുന്നതും ശേഷം ഇയാള്‍ ഓടി രക്ഷപ്പെടുന്നതും സി.സി.ടി.വി കാമറയില്‍ പതിഞ്ഞിരുന്നു.
ഈ ദൃശ്യങ്ങള്‍ വ്യാപകമായി പ്രചരിക്കുകയും ചെയ്തിരുന്നു. ദൃശ്യങ്ങളില്‍നിന്നു പ്രതിയെ തിരിച്ചറിഞ്ഞു മഞ്ചേരി പൊലിസാണ് അറസ്റ്റ് ചെയ്തിരുന്നത്.