മലപ്പുറം: കേരളാ പ്രൈവറ്റ് പ്രൈമറി ഹെഡ്മാസ്റ്റേഴ്‌സ് അസോസിയേഷന്‍ സംസ്ഥാന സമ്മേളനത്തോടനുബന്ധിച്ച് അധ്യാപകര്‍ക്കായി നടത്തിയ രചന മത്സരങ്ങളുടെ വിജയികളെ പ്രഖ്യാപിച്ചു.
ലേഖന മത്സരത്തില്‍ സാദിഖ് (യു.പി.എസ്.എ. വി.എച്ച്.എം. യു.പി.എസ്. പുണര്‍പ്പ), ഖാലിദ് (അറബിക് ടീച്ചര്‍ ജി.എം.യു.പി.എസ്. ബിപി അങ്ങാടി), അബ്ദുല്‍ ഹക്കീം (അറബിക് ടീച്ചര്‍ ജി.യു.പി.എസ്. പോത്തനൂര്‍), പ്രവീണ്‍ (എച്ച്.എസ്.എ. ജി.എച്ച്.എസ്. ആതവനാട്) എന്നിവരും കവിതാ രചനയില്‍ രമേശ് വട്ടിങ്ങാവില്‍ (ഒ.യു.പി.എസ്. പടിഞ്ഞാറ്റുമുറി), നൂറ വരിക്കോടന്‍ (ജി.എല്‍.പി.എസ്. പോത്തുക്കുണ്ട്), രാമചന്ദ്രന്‍ (എച്ച്.എസ്.എ. ഗേള്‍സ് ഹയര്‍ സെക്കന്‍ഡറി സ്‌കൂള്‍ പൊന്നാനി), സുധ എടപ്പാള്‍ എന്നിവര്‍ വിജയികളായി.
വിജയികളെ ഏപ്രില്‍ 9, 10, 11 തിയതികളില്‍ മലപ്പുറത്തു നടക്കുന്ന സംസ്ഥാന സമ്മേളനത്തില്‍ ആദരിക്കും. ജില്ലാ ഭാരവാഹികളായി വി.പി അബ്ദുര്‍റഹിമാന്‍ (പ്രസി), കെ.എന്‍.എ ഷെരീഫ് (ജന.സെക്ര), വി. യൂസഫ് സിദ്ദീഖ് (ട്രഷ) എന്നിവരെ തെരഞ്ഞെടുത്തു.