പഴയങ്ങാടി: ജനാധിപത്യ സമരങ്ങളെ ബലപ്രയോഗത്തിലൂടെ തളര്‍ത്താനുള്ള നീക്കം ചെറുക്കുമെന്ന് സതീശന്‍ പാച്ചേനി. നവദര്‍ശന്‍ യാത്രയുടെ രണ്ടാം ദിവസത്തെ പര്യടന പരിപാടിയില്‍ പഴയങ്ങാടിയില്‍ സംസാരിക്കുകയായിരുന്നു അദ്ദേഹം. ക്വട്ടേഷന്‍ സംഘങ്ങളെ ചെലവ് കൊടുത്ത് വളര്‍ത്തുന്ന സി.പി.എമ്മിന്റെ രീതി അവസാനിപ്പിക്കണമെന്നും പാച്ചേനി അഭിപ്രായപ്പെട്ടു. സ്വീകരണം ജില്ലാ യു.ഡി.എഫ് ചെയര്‍മാന്‍ എ.ഡി മുസ്തഫ ഉദ്ഘാടനം ചെയ്തു. സുധീര്‍ വെങ്ങര അധ്യക്ഷനായി. കെ. സുരേന്ദ്രന്‍, സുരേഷ് ബാബു എളയാവൂര്‍, ജയകൃഷ്ണന്‍, നൗഷാദ് വാഴവളപ്പില്‍, ബ്രിജേഷ് കുമാര്‍, പാറയില്‍ കൃഷ്ണന്‍ പ്രസംഗിച്ചു. എം.പി ഉണ്ണികൃഷ്ണന്‍, കെ.വി രാമചന്ദ്രന്‍, പി.പി കരുണാകരന്‍, മടപ്പള്ളി പ്രദീപന്‍, സജി നാരായണന്‍, മുരളീധരന്‍ നേതൃത്വം നല്‍കി.