കണ്ണൂര്‍: മാപ്പിളകലാ അക്കാദമി എന്ന പേരില്‍ നടക്കുന്ന സാമ്പത്തിക സമാഹരണത്തില്‍ മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമിക്ക് ബന്ധമില്ലെന്ന് സെക്രട്ടറി അറിയിച്ചു. കൊണ്ടോട്ടി ആസ്ഥാനമായി പ്രവര്‍ത്തിക്കുന്ന മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി സംഘടിപ്പിക്കുന്ന പരിപാടികള്‍ക്ക് സര്‍ക്കാര്‍ ധനസഹായം ലഭിക്കുന്നതിനാല്‍ സാമ്പത്തിക സമാഹരണത്തിനായി അക്കാദമി ആരെയും ചുമതലപ്പെടുത്തിയിട്ടില്ലെന്നും വ്യാജ പ്രചരണങ്ങളില്‍ വഞ്ചിതരാകരുതെന്നും അറിയിച്ചു.