കാസര്‍കോട്: കേന്ദ്ര സര്‍വകലാശാലയുടെ എട്ട് അക്കാദമിക് ബ്ലോക്കുകള്‍ ഉപരാഷ്ട്രപതി എം. വെങ്കയ്യ നായിഡു ഏപ്രില്‍ 30നു രാഷ്ട്രത്തിനു സമര്‍പ്പിക്കും.
കേന്ദ്ര സര്‍വകലാശാലയുടെ പണിപൂര്‍ത്തിയായ ആകെ എട്ടു ലക്ഷം ചതുരശ്ര അടി വിസ്താരമുള്ള എട്ട് മേജര്‍ അക്കാദമിക് ബ്ലോക്കുകളാണ് ഉപരാഷ്ട്രപടി രാഷ്ട്രത്തിന് സമര്‍പ്പിക്കുക. രാവിലെ 10നു പെരിയ തേജസ്വിനി ഹില്‍സ് കാംപസില്‍ ഉദ്ഘാടന സമ്മേളനം നടക്കും.
പുതിയ ബ്ലോക്കുകളുടെ ഉദ്ഘാടനത്തോടു കൂടി കാസര്‍കോട് ജില്ലയില്‍ വിവിധ വാടക കെട്ടിടങ്ങളിലായി പ്രവര്‍ത്തിക്കുന്ന എല്ലാ പഠന വകുപ്പുകളും സര്‍വകലാശാലയുടെ സ്ഥിരം കാംപസായ പെരിയ തേജസ്വിനി ഹില്‍സില്‍ പ്രവര്‍ത്തനമാരംഭിക്കും.