കാബൂള്‍: അഫ്ഗാനിസ്താനില്‍ താലിബാന് ആയുധങ്ങള്‍ നല്‍കുന്നത് റഷ്യയാണെന്ന് യു.എസ്. അഫ്ഗാനില്‍ സേവനത്തിലുള്ള യു.എസ് സേനാതലവന്‍ ജനറല്‍ ജോണ്‍ നിക്കള്‍സണ്‍ ആണ് ആരോപണവുമായി രംഗത്തെത്തിയത്. അഫ്ഗാനെ അസ്ഥിരപ്പെടുത്തുന്ന നടപടികളാണ് റഷ്യ നടത്തുന്നതെന്നും നിക്കള്‍സണ്‍ ആരോപിച്ചു.
ബി.ബി.സിക്കു നല്‍കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. താജികിസ്താന്‍ അതിര്‍ത്തിയിലൂടെയാണ് താലിബാന് റഷ്യയില്‍നിന്ന് ആയുധങ്ങളെത്തുന്നത്.
ഇത്തരം ആരോപണങ്ങള്‍ റഷ്യ നേരത്തെ തന്നെ നിഷേധിച്ചിരുന്നു.