കാബൂള്‍: അഫ്ഗാനിസ്താനില്‍ റെസ്‌ലിങ് മത്സരത്തിനിടെയുണ്ടായ ചാവേര്‍ സ്‌ഫോടനത്തില്‍ 13 പേര്‍ കൊല്ലപ്പെട്ടു. നിരവധി പേര്‍ക്കു ഗുരുതരമായി പരുക്കേല്‍ക്കുകയും ചെയ്തിട്ടുണ്ട്.അഫ്ഗാനിലെ ഹെല്‍മന്ദ് പ്രവിശ്യയിലാണു സംഭവം. പ്രവിശ്യാ തലസ്ഥാനമായ ലഷ്‌കര്‍ ഗാഹിലെ ഗാസി മുഹമ്മദ് അയ്യൂബ് ഖാന്‍ സ്റ്റേഡിയത്തില്‍ ഇന്നലെ രാത്രി റെസ്‌ലിങ് മത്സരം നടന്നുകൊണ്ടിരിക്കെ ചാവേറുകള്‍ സഞ്ചരിച്ച കാര്‍ ജനക്കൂട്ടത്തിലേക്ക് ഇടിച്ചുകയറ്റുകയും പൊട്ടിത്തെറിക്കുകയുമായിരുന്നു.