ആനക്കര: അമേറ്റിക്കരയില്‍ അശാസ്ത്രീയ മണ്ണെടുപ്പ് കുന്നിന്‍മുകളിലെ വീടിന് ഭീഷണിയായി. കിഴക്കെ അമേറ്റിക്കരയില്‍ വെമ്രക്കേട് സുരേഷ്‌കുമാറും കുടുംബവും താമസിക്കുന്നവീടാണ് അപകട ഭീഷണിയിലായത്. സമീപ വാസി ഏതാനും ആഴ്ച്ച മുമ്പ് കുന്ന് എട്ടടിയോളം കുന്ന് താഴ്ത്തി മതില്‍ കെട്ടാനുള്ള ശ്രമ മാരംഭിച്ചതാണ് സുരേഷിന്റെ വീടിന് ഭീഷണിയായത്. കഴിഞ്ഞ ദിവസത്തെ മഴയി ല്‍ നല്ലൊരുഭാഗം മണ്ണിടിഞ്ഞ് ഒരുഭാഗത്ത് ഗുഹ രൂപ പെട്ടിട്ടുണ്ട്. ഇതിന് മുകളില്‍ നില്‍ക്കുന്ന തെങ്ങ് ഏത് നിമിഷവും നിലംപൊത്താവുന്ന അവസ്ഥയിലാണ്. മതില്‍പണി നടക്കുന്ന ഒരു ഭാഗത്തെ പടവ് പുറത്തെക്ക് തള്ളിയ നിലയിലാണ്.
ഇവിടെ മണ്ണ് അശാസ്ത്രീയമായി താഴ്ത്തിയ സമയത്തുതന്നെ സുരേഷും കുടുംബവും പഞ്ചായത്ത്, വില്ലേജ് അധികൃകതര്‍ക്കെല്ലാം പരാതി നല്‍കിയിരുന്നു. എന്നാല്‍ സുരക്ഷിതമായ രീതിയില്‍ മതില്‍ നിര്‍മ്മിക്കാമെന്ന ഉറപ്പ് എതിര്‍ കക്ഷി നല്‍കിയിരുന്നെങ്കിലും ഇതൊന്നും നടപ്പായില്ലെന്ന് സുരേഷും കുടുംബവും പറയുന്നു.  മഴകനക്കുന്നതോടെ സ്വന്തം വീട്ടില്‍ സമാധാനത്തോടെ കിടക്കാന്‍ കഴിയാത്ത അവസ്ഥയിലാണ് ഈ കുടുംബം.