ന്യൂഡല്‍ഹി: കോമണ്‍വെല്‍ത്ത് ഗെയിംസിനുള്ള ഇന്ത്യന്‍ ടേബിള്‍ ടെന്നീസ് ടീമില്‍ നിന്ന് സൗമ്യജിത്ത് ഘോഷ് പുറത്ത്. കൗമാരക്കാരിയെ ലൈംഗികമായി പീഡിപ്പിച്ച കേസില്‍ പ്രതി ചേര്‍ക്കപ്പെട്ടതിനെ തുടര്‍ന്നാണ് താരത്തെ ടീമില്‍ നിന്ന് ഒഴിവാക്കിയത്.
ആരോപണം ഉയര്‍ന്നപ്പോള്‍ തന്നെ ടേബിള്‍ ടെന്നീസ് ഫെഡറേഷന്‍ ഓഫ് ഇന്ത്യ താരത്തെ സസ്‌പെന്‍ഡ് ചെയ്തിരുന്നു. ആദ്യം ടീമില്‍ ഉള്‍പ്പെട്ടിരുന്നതിനാല്‍ പൊലിസ് അന്വേഷണവും കോടതി വിധിയും വന്ന ശേഷം അന്തിമ തീരുമാനമെടുക്കാമെന്ന നിലപാടിലായിരുന്നു ഫെഡറേഷന്‍. കോടതി സൗമ്യജിത്തിനെ പ്രതി ചേര്‍ത്തതോടെയാണ് ടീമിലെ സ്ഥാനം നഷ്ടമായത്.