മണ്ണാര്‍ക്കാട്: വീട്ടില്‍ നടന്ന റെയ്ഡില്‍ കഞ്ചാവുമായി  യുവാവിനെ പൊലീസ് പിടികൂടി. തെങ്കര മുതുവല്ലിയിലെ ഹംസക്കുട്ടി (35)നെയാണ് മണ്ണാര്‍ക്കാട് എസ്.ഐ ഷിജു എബ്രഹാമും സംഘവും പിടികൂടിയത്. പൊലീസിന് ലഭിച്ച രഹസ്യ വിവരത്തെ തുടര്‍ന്ന് വീട്ടില്‍ നടത്തിയ റെയ്ഡില്‍ കട്ടിലിനടിയില്‍ സൂക്ഷിച്ച 1.375 കിലോഗ്രാം കഞ്ചാവ് കണ്ടെത്തി. സ്‌കൂള്‍ വിദ്യാര്‍ഥികളടക്കം കഞ്ചാവ് വില്‍പ്പന നടത്തുന്നയാളാണ് ഹംസക്കുട്ടിയെന്ന് പൊലീസ് പറഞ്ഞു. മോഷണം, ജയില്‍ ചാടല്‍ അടക്കമുളള വിവിധ കോസുകള്‍ നിലവില്‍ ഹംസക്കുട്ടിയുടെ പേരിലുണ്ട്. പ്രതിയെ മണ്ണാര്‍ക്കാട് മുന്‍സിഫ് മജിസട്രേറ്റ് കോടതിയില്‍ ഹാജരാക്കി. റെയ്ഡിന് എസ്.ഐയെ കൂടാതെ എ.എസ്.ഐ നാരായണന്‍കുട്ടി, ജൂനിയര്‍ എസ്.ഐ വിനീഷ്, സി.പി.ഒമാരായ റജിമോന്‍, വിനോദ്, സന്തോഷ്, വനിതാ സി.പി.ഒമാരായ സീന, ബിന്ദുശിവന്‍ നേതൃത്വം നല്‍കി.