നീലേശ്വരം: നാടക കലാകാരനും പട്ടികവര്‍ഗ വിഭാഗക്കാരനുമായ പരപ്പ തുമ്പ കോളനിയിലെ രാമകൃഷ്ണന്റെ വീടു പണിക്കെത്തിയ തൊഴിലാളികള്‍ ഭക്ഷണം അയിത്തം കല്‍പിച്ച 'സുപ്രഭാതം' വാര്‍ത്ത സോഷ്യല്‍ മീഡിയയും ഏറ്റെടുത്തു. വാട്‌സ് ആപ്, ഫേസ് ബുക്ക് ഗ്രൂപ്പുകളും വിവിധ സൈബര്‍ വിങ്ങുകളും പ്രതികരണവുമായി രംഗത്തെത്തി. ട്രോളുകളുമിറങ്ങി. വരും ദിവസങ്ങളില്‍ മിശ്രഭോജനം ഉള്‍പ്പെടെ സംഘടിപ്പിക്കുമെന്ന് വിവിധ സംഘടനകളും അറിയിച്ചു.