കുന്നംകുളം : ആശുപത്രിയില്‍ പൊലിസ് നിരീക്ഷണത്തില്‍ ഇരിക്കെ താലൂക്ക് ആശുപത്രിയില്‍ നിന്നും അടിപിടികേസിലെ പ്രതി രക്ഷപെട്ടു. ആനായ്ക്കല്‍ ചീരംകുളങ്ങര വള്ളിക്കാട്ടില്‍ വീട്ടില്‍ അജയന്‍ ആണു രക്ഷപെട്ടത്. കഴിഞ്ഞ ദിവസം ആനായ്ക്കലില്‍ വീട് കയറി സി.പി.എം പ്രവര്‍ത്തകനെ വെട്ടിപരിക്കേല്‍പിച്ച കേസിലെ പ്രതിയാണ്. ആക്രമണത്തിനു ശേഷം താലൂക്ക് ആശുപത്രിയില്‍ ചികിത്സ തേടിയ ഇയാളെ പൊലീസ് നിരീക്ഷിച്ചു വരികയായിരുന്നു. ആശുപത്രിയില്‍ നിന്നും ഡിസ്ചാര്‍ജ്ജാകുന്നതോടെ കസ്റ്റഡിയിലാകുമെന്നു് തിരിച്ചറിഞ്ഞ പ്രതി നിരീക്ഷണത്തിനു ഉണ്ടായിരുന്ന പൊലിസിന്റെ കണ്ണു വെട്ടിച്ചു കടന്നു കളയുകയായിന്നു.