അലക്‌സാണ്ട്രിയ: ഈജിപ്തിലെ തീരനഗരമായ അലക്‌സാണ്ട്രിയയില്‍ സ്‌ഫോടനത്തില്‍ പൊലിസുകാരനടക്കം രണ്ടു പേര്‍ കൊല്ലപ്പെട്ടു. നഗരത്തിലെ സുരക്ഷാ മേധാവിയെ വധിക്കാനുള്ള ശ്രമത്തിന്റെ ഭാഗമായാണ് സ്‌ഫോടനം നടത്തിയതെന്ന് അധികൃതര്‍ പറഞ്ഞു.

റുഷ്ദിയിലെ തോലിപ് ഹോട്ടലിനു സമീപത്താണ് സ്‌ഫോടനമുണ്ടായത്. നഗരത്തിന്റെ മേജര്‍ ജനറല്‍ മുസ്തഫ അല്‍ നംറിന്റെ വാഹനവ്യൂഹത്തിനു നേരെയാണ് സ്‌ഫോടനമുണ്ടായത്.

കാറില്‍ സ്ഥാപിച്ച ബോംബ് പൊട്ടിത്തെറിച്ചാണ് സ്‌ഫോടനമുണ്ടായത്. നാലു പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.

അല്‍ നംറിനെ വധിക്കാനുള്ള ശ്രമമാണ് നടന്നതെന്ന് ഈജിപ്ഷ്യന്‍ ആഭ്യന്തര മന്ത്രാലയം സ്ഥിരീകരിച്ചു.