വടക്കാഞ്ചേരി: നഗരസഭയുടെ നേതൃത്വത്തില്‍ നടപ്പിലാക്കുന്ന മാലിന്യ നിര്‍മാര്‍ജന പദ്ധതി സര്‍വശുദ്ധിയുടെ ഭാഗമായി വടക്കാഞ്ചേരി ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികള്‍ക്ക് ബോധവല്‍ക്കരണ ക്ലാസ് സംഘടിപ്പിച്ചു.
ഈ മാസം അഞ്ചിന് നടക്കുന്ന ശുചിത്വ ഹര്‍ത്താലിന്റെ ഭാഗമായി വീടുകള്‍, സ്ഥാപനങ്ങള്‍ എന്നിവയിലെ വിവിധ മാലിന്യങ്ങള്‍ സംഭരിച്ച് സംസ്‌കരിക്കും.
ഇതിന് മുന്നോടിയായി എങ്ങിനെയാണ് മാലിന്യം ഉണ്ടാകുന്നത് എന്താണ് ഉറവിട സംസ്‌ക്കരണം എന്നിവയെ കുറിച്ച് കോഴിക്കോട് നിറവിലെ ബാബു പറമ്പത്ത് ക്ലാസെടുത്തു.
നഗരസഭ വൈസ് ചെയര്‍മാന്‍ എം.ആര്‍ അനൂപ് കിഷോര്‍, കൗണ്‍സിലര്‍ പി.ആര്‍ അരവിന്ദാക്ഷന്‍, ഹെല്‍ത്ത്  ഇന്‍സ്‌പെക്ടര്‍ രവീന്ദ്രനാഥ്, അജിത, എന്‍.എസ്.എസ് പ്രോഗ്രാം ഓഫിസര്‍ പി.വി വേണുഗോപാലന്‍, വി.കെ ബാബു എന്നിവര്‍ പ്രസംഗിച്ചു.