HOME
DETAILS

കേരള സര്‍വകലാശാല യുവജനോത്സവം സീരിയല്‍ താരത്തിനായി മത്സരഫലം മാറ്റിമറിച്ചു; വിവാദമായപ്പോള്‍ മരവിപ്പിച്ചു

  
backup
March 25 2018 | 02:03 AM

%e0%b4%95%e0%b5%87%e0%b4%b0%e0%b4%b3-%e0%b4%b8%e0%b4%b0%e0%b5%8d%e2%80%8d%e0%b4%b5%e0%b4%95%e0%b4%b2%e0%b4%be%e0%b4%b6%e0%b4%be%e0%b4%b2-%e0%b4%af%e0%b5%81%e0%b4%b5%e0%b4%9c%e0%b4%a8%e0%b5%8b%e0%b4%a4


കൊല്ലം: കേരള സര്‍വകലാശാല യുവജനോത്സവ മത്സരഫലം വെള്ളിയാഴ്ച അര്‍ധരാത്രിയില്‍ മാറിമറിഞ്ഞത് നീണ്ട പ്രതിഷേധത്തിനും സംഘര്‍ഷത്തിനും വഴിവച്ചു. സീരിയല്‍ സിനിമാ താരമായ മഹാലക്ഷ്മിക്ക് കലാതിലകപട്ടം കൊടുക്കുന്നതിന് വേണ്ടിയാണ് ഈ തീരുമാനമെന്ന് ആക്ഷേപമുയര്‍ന്നു. ഇതിനെതിരേ മത്സരാര്‍ഥികളില്‍നിന്നും കോളജ് അധികൃതരില്‍നിന്നും പ്രതിഷേധം ഉയര്‍ന്നതോടെ അപ്പലേറ്റ് കമ്മിറ്റിയുടെ തീരുമാനം മരവിപ്പിക്കുകയായിരുന്നു.
ഇതോടെ തിരവനന്തപുരം മാര്‍ ഇവാനിയോസ് കോളജിലെ മഹാലക്ഷ്മിക്ക് കലാതിലപട്ടം നഷ്ടമായി. 16 പോയിന്റോടെ മാര്‍ ഇവാനിയോസിലെതന്നെ എം. രേഷ്മയാണ് കലാതിലകമായത്. കഥാപ്രസംഗം, കുച്ചുപ്പുടി, മാപ്പിളപ്പാട്ട് എന്നിവയുള്‍പ്പെടെ അഞ്ചിനങ്ങളിലെ ഫലമാണ് അപ്പലറ്റ് കമ്മിറ്റി മാറ്റിമറിച്ചത്. ഒന്നാം സ്ഥാനം നേടിയവര്‍ വിജയികളുടെ പട്ടികയില്‍നിന്ന് പുറത്തായി. മൂന്നാംസ്ഥാനം പോലും ലഭിക്കാതിരുന്നവര്‍ ഒന്നാം സ്ഥാനത്തേക്ക് ഉയരുകയും ചെയ്തു.
കഥാപ്രസംഗത്തില്‍ ഒന്നാം സ്ഥാനം ലഭിച്ച ശ്രീകാര്യം ഗ്രിഗോറിയന്‍ കോളജിലെ മെറിന്‍ മേരി ഫിലിപ്പ് രണ്ടാം സ്ഥാനത്തേക്ക് പിന്തള്ളപ്പെട്ടു. രണ്ടാം സ്ഥാനത്തുണ്ടായിരുന്ന വിദ്യാര്‍ഥിനി ഒന്നാം സ്ഥാനത്തെത്തി. മൂന്നാം സ്ഥാനം പങ്കുവെച്ച കായംകുളം ടി.കെ.എം.എം കോളജിലെ ശ്രീദേവി, ശിവഗിരി എസ്.എന്‍ കോളജിലെ ശിവകാമി ദേവി എന്നിവര്‍ പട്ടികയില്‍നിന്ന് പുറത്തായി. പകരം രണ്ടുപേര്‍ മൂന്നാം സ്ഥാനത്തെത്തി. കുച്ചുപ്പുടി മത്സരത്തില്‍ തിരുവനന്തപുരം ക്രൈസ്റ്റ് നഗര്‍ കോളജിലെ ദിവ്യ വിജയന് ആയിരുന്നു ഒന്നാം സ്ഥാനം.
വെള്ളിയാഴ്ച രാത്രി ഒന്നരയോടെയാണ് ഫലം മാറിയതായി അറിയിപ്പുണ്ടായത്. ദിവ്യ വിജയന്‍ വിജയികളുടെ പട്ടികയില്‍നിന്ന് പുറത്തായി. മാപ്പിളപ്പാട്ടില്‍ ഒന്നും രണ്ടും സ്ഥാനക്കാരായ എ.എസ് ശ്രീലക്ഷ്മി (തോന്നയ്ക്കല്‍ എ.ജെ കോളജ്), ഷഹാന ഷംസ് (ചാവര്‍കോട് സി.എച്ച്.എം കോളജ്) എന്നിവര്‍ വിജയികളുടെ പട്ടികയില്‍നിന്ന് പുറത്തായി.
ഫലംപ്രഖ്യാപിച്ചപ്പോള്‍ സമ്മാനം ലഭിക്കാതിരുന്നവര്‍ക്കാണ് അപ്പലറ്റ് കമ്മിറ്റി രണ്ടാം സ്ഥാനം പ്രഖ്യാപിച്ചത്.
വിവാദവും പ്രതിഷേധവും ഉയര്‍ന്നതിനെതുടര്‍ന്ന് അപ്പലറ്റ് കമ്മിറ്റി വിദ്യാര്‍ഥികളുമായി പലതവണ ചര്‍ച്ച നടത്തി പട്ടികയില്‍നിന്ന് പുറത്തായ ഒരു വിദ്യാര്‍ഥിനിക്ക് മൂന്നാം സ്ഥാനം നല്‍കാമെന്ന് വാഗ്ദാനം നല്‍കിയെങ്കിലും മത്സരാര്‍ഥി നിഷേധിച്ചു.
ചര്‍ച്ചയില്‍ ധാരണ ഉണ്ടാകാതിരുന്നതിനെ തുടര്‍ന്ന് അപ്പലറ്റ് കമ്മിറ്റിയുടെ തീരുമാനം മരവിപ്പിച്ചത് ഇതോടെ കലാതിലകം ഉള്‍പ്പെടെ മാറിമറിയുകയായിരുന്നു. അപ്പീല്‍ സംബന്ധിച്ച് പിന്നീട് പരിശോധന ഉണ്ടാകുമെന്ന് സര്‍വകലാശാല അധികൃതര്‍ പറഞ്ഞു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

എഡിജിപിയെ മാറ്റണമെന്ന നിലപാടിലുറച്ച് സിപിഐ; ഡിജിപിയുടെ റിപ്പോര്‍ട്ട് വന്നതിനുശേഷം തീരുമാനമെന്ന് മുഖ്യമന്ത്രി  

Kerala
  •  2 months ago
No Image

കറന്റ് അഫയേഴ്സ്-02-10-2024

PSC/UPSC
  •  2 months ago
No Image

ദുബൈ ഇന്ത്യൻ കോൺസുലേറ്റ് അറ്റസ്‌റ്റേഷൻ കേന്ദ്രം പുതിയ സ്ഥലത്തേക്ക് മാറ്റി

uae
  •  2 months ago
No Image

വർദ്ധിച്ചുവരുന്ന സംഘർഷങ്ങളിലും യുദ്ധഭീതിയിലും വിമാനങ്ങൾ റദ്ദാക്കുകയും വഴിതിരിച്ചുവിടുകയും ചെയ്ത് യുഎഇയിലെ എയർലൈനുകൾ

uae
  •  2 months ago
No Image

ഇറാന്റെ മിസൈലാക്രമണം; ഡല്‍ഹിയിലെ ഇസ്‌റാഈല്‍ എംബസിയുടെ സുരക്ഷ വര്‍ധിപ്പിച്ചു

National
  •  2 months ago
No Image

കേന്ദ്ര സര്‍ക്കാര്‍ 32849 രൂപ ധനസഹായം നല്‍കുന്നുവെന്ന് വ്യാജ പ്രചാരണം

National
  •  2 months ago
No Image

ഡല്‍ഹിയില്‍ വന്‍ മയക്കുമരുന്ന് വേട്ട; പിടികൂടിയത് 2000 കോടി രൂപ വിലവരുന്ന കൊക്കെയ്ന്‍

National
  •  2 months ago
No Image

'തെറ്റ് ചെയ്‌തെങ്കില്‍ കല്ലെറിഞ്ഞു കൊല്ലട്ടെ, ഒരു രൂപ പോലും അര്‍ജുന്റെ പേരില്‍ പിരിച്ചിട്ടില്ല', പ്രതികരിച്ച് മനാഫ്

Kerala
  •  2 months ago
No Image

പാര്‍ട്ടിയോടോ മുന്നണിയോടോ നന്ദികേട് കാണിക്കില്ല; സി.പി.എമ്മിന്റെ സഹയാത്രികനായി മുന്നോട്ട് പോകും, കെ ടി ജലീല്‍

Kerala
  •  2 months ago
No Image

വൈകാരികത ചൂഷണം ചെയ്യുന്നു; കുടുംബത്തിന്റെ പേരില്‍ ഫണ്ട് പിരിച്ചു; മനാഫിനെതിരെ അര്‍ജുന്റെ കുടുംബം

Kerala
  •  2 months ago