കോട്ടയം: കേരളത്തില്‍ നടക്കുമെന്ന് കരുതിയിരുന്ന ഇന്ത്യ- വെസ്റ്റിന്‍ഡീസ് ഏകദിനം ഉപേക്ഷിച്ചേക്കുമെന്ന് സൂചന. നവംബറില്‍ മഴക്ക് സാധ്യത കൂടുതലുള്ള കാലാവസ്ഥയായതിനാല്‍ ജനുവരിയില്‍ നടക്കാനിരിക്കുന്ന ഇന്ത്യ- ആസ്‌ത്രേലിയ ഏകദിന പരമ്പരയിലെ മത്സരങ്ങളിലൊന്ന് പകരമായി ആവശ്യപ്പെടാനാണ് കെ.സി.എ നീക്കം.
ഗ്രീന്‍ ഫീല്‍ഡ് സ്റ്റേഡിയത്തിന് ക്രിക്കറ്റ് മത്സരം നടത്താന്‍ ആവശ്യമായ സൗകര്യങ്ങള്‍ ഇല്ലെന്നും കുമരകത്ത് നടന്ന ജനറല്‍ ബോഡി യോഗത്തില്‍ വിമര്‍ശനമുയര്‍ന്നിരുന്നു. ഇത് സംബന്ധിച്ച് ബി.സി.സി.ഐക്ക് കത്ത് നല്‍കാനും കെ.സി.എ ജനറല്‍ ബോഡി തീരുമാനിച്ചു.