പുനലൂര്‍: സാമൂഹ്യനീതി വകുപ്പിന്റെ ആഭിമുഖ്യത്തില്‍ പുനലൂരില്‍ അങ്കണവാടി പ്രവേശനോത്സവവും പൂര്‍വവിദ്യാര്‍ഥി സംഗമവും സംഘടിപ്പിച്ചു. നഗരസഭാതല പ്രവേശനോത്സവം ഉദ്ഘാടനം പുനലൂര്‍ എന്‍.എസ്.എസ്. ഓഡിറ്റോറിയത്തില്‍ നഗരസഭാ ചെയര്‍മാന്‍ എം.എ. രാജഗോപാല്‍ നിര്‍വഹിച്ചു. നഗരസഭ സ്റ്റാന്‍ഡിങ് കമ്മിറ്റി അധ്യക്ഷ അംജദ് ബിനു ചടങ്ങില്‍ അധ്യക്ഷയായി. ഐ.സി.ഡി.എസ്. സൂപ്പര്‍വൈസര്‍ ഒ.ആര്‍. പ്രീത, വൈസ് ചെയര്‍പേഴ്‌സണ്‍ കെ. പ്രഭ. സ്റ്റാന്‍ഡിങ് കമ്മിറ്റി അധ്യക്ഷരായ സാബു അലക്‌സ്, വി. ഓമനക്കുട്ടന്‍, തുടങ്ങിയവര്‍ പ്രസംഗിച്ചു.