വെങ്ങപ്പള്ളി: പൊതു പ്രവര്‍ത്തകര്‍ക്ക് ഉണ്ടാവേണ്ട ഏറ്റവും പ്രധാന ഗുണം വ്യക്തി വിശുദ്ധിയാണെന്നും ജീവിത വിശുദ്ധികൊണ്ട് പൊതു സമൂഹത്തിന് മാതൃക കാട്ടിയ നേതാവായിരുന്നു സയ്യിദ് ഉമറലി ശിഹാബ് തങ്ങളെന്നും സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അഭിപ്രായപ്പെട്ടു. അക്കാദമി സ്ഥാപനങ്ങളുടെ സ്ഥാപകനും ജില്ലാ ഖാസിയുമായിരുന്ന പാണക്കാട് സയ്യിദ് ഉമറലി ശിഹാബ് തങ്ങളുടെ 10-ാമത് ആണ്ടു നേര്‍ച്ചയോട് അനുബന്ധിച്ച് വെങ്ങപ്പള്ളി ശംസുല്‍ ഉലമ ഇസ്്‌ലാമിക് അക്കാദമി ഹാളില്‍ നടന്ന അനുസ്മരണ പ്രാര്‍ഥാനാ സദസില്‍ സംസാരിക്കുകയായിരുന്നു അദ്ദേഹം.
സമസ്ത കേന്ദ്ര മുശാവറാ അംഗം വി. മൂസക്കോയ മുസ്‌ലിയാര്‍ ഉദ്ഘാടനം ചെയ്തു. സയ്യിദ് ശിഹാബുദ്ദീന്‍ ഇമ്പിച്ചിക്കോയ തങ്ങള്‍ പ്രാര്‍ഥനക്ക് നേതൃത്വം നല്‍കി. പിണങ്ങോട് അബൂബക്കര്‍, ഹാരിസ് ബാഖവി, പി.സി ഇബ്‌റാഹീം ഹാജി, ശിഹാബുദ്ദീന്‍ തങ്ങള്‍, ഉസ്മാന്‍ കാഞ്ഞായി, മുഹിയിദ്ദീന്‍ കുട്ടി യമാനി, കെ. അലി മാസ്റ്റര്‍, കെ.എ നാസര്‍ മൗലവി, അയ്യൂബ് മാസ്റ്റര്‍ മുട്ടില്‍, ശംസുദ്ദീന്‍ റഹ്മാനി, ഖാസിം ദാരിമി, മൊയ്തീന്‍ കുട്ടി, എം.കെ ഇബ്‌റാഹീം മൗലവി, പനന്തറ മുഹമ്മദ്, സെയ്തലവി ജിദ്ദ, എടപ്പാറ കുഞ്ഞമ്മദ്, അബ്ദുറഹ്മാന്‍ തലപ്പുഴ, അബൂബക്കര്‍ റഹ്മാനി, മുസമ്മില്‍ വാഫി, ഹര്‍ഷല്‍ കല്‍പ്പറ്റ, അബ്ദുല്‍ ലത്തീഫ് വാഫി സംബന്ധിച്ചു.
ജന.സെക്രട്ടറി ഇബ്‌റാഹീം ഫൈസി പേരാല്‍ സ്വാഗതവും മാനേജര്‍ എ.കെ സുലൈമാന്‍ മൗലവി നന്ദിയും പറഞ്ഞു.