തളിപ്പറമ്പ്: കേരളം കീഴാറ്റൂരിലേക്ക് എന്ന മുദ്രാവാക്യമുയര്‍ത്തി വയല്‍ക്കിളികളുടെ പ്രകടനം തളിപ്പറമ്പില്‍ നിന്നും ആരംഭിച്ച് കീഴാറ്റൂർ വയലിലെത്തി. സംസ്ഥാനത്തിന്റെ വിവിധ ഭാഗങ്ങളില്‍ നിന്നെത്തിയ നൂറുകണക്കിനു പരിസ്ഥിതി പ്രവര്‍ത്തകരും പൊതു പ്രവര്‍ത്തകരും പ്രകടനത്തില്‍ പങ്കെടുക്കുന്നുണ്ട്. രണ്ടരയോടെ തളിപ്പറമ്പ് ടൗണ്‍ സ്‌ക്വയറിലാണ് മാര്‍ച്ച് തുടങ്ങിയത്. 

നടന്‍ സുരേഷ് ഗോപി, കോണ്‍ഗ്രസ് നേതാവ്  വിഎം സുധീരന്‍, പി.സി ജോര്‍ജ്ജ്, അഭിഭാഷകനും പരിസ്ഥിതി പ്രവര്‍ത്തകനുമായ ഹരീഷ് വാസുദേവന്‍,പ്രമുഖ പരിസ്ഥിതി പ്രവർത്തക ദയാഭായി, സാഹിത്യകാരി സാറാ ജോസഫ് എന്നിവർ സമരത്തിന് പിന്തുണയുമായി വയലിലെത്തി. 

സി.പി.എം പ്രവര്‍ത്തകര്‍ തീയിട്ട് നശിപ്പിച്ച സമര പന്തല്‍ പുനസ്ഥാപിച്ചാണ് കീഴാറ്റൂരില്‍ വയല്‍കിളികള്‍ മൂന്നാംഘട്ട സമരം പുനരാരംഭിച്ചിരിക്കുന്നത്.