ആലംപാടി: വിശ്വാസികള്‍ മഹാന്മാരെ പിന്‍പറ്റണമെന്നും മഹാന്മാരെ പിന്‍പറ്റി ഹൃദയം ശുദ്ധീകരിച്ച് അല്ലാഹുവിലേക്ക് അടുക്കാന്‍ ഓരോ വിശ്വാസിയും മുന്നോട്ടു വരണമെന്നും നീലേശ്വരം ഖാസി ഇ.കെ മഹമൂദ് മുസ്‌ലിയാര്‍. ആലംപാടിയില്‍ നടന്നു വരുന്ന ഉറൂസ് ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. ജുമുഅക്ക് ശേഷം നടന്ന സിയാറത്തിനും കൂട്ടുപ്രാര്‍ഥന ക്കും മുജീബ് റഹ് മാന്‍ ബാഖവി കൊല്ലം നേതൃത്വം നല്‍കി. തുടര്‍ന്ന് ഉറൂസ് നഗരിയില്‍ ജമാഅത്ത് പ്രസിഡന്റ് എം.എ അബുബക്കര്‍ ഹാജി പതാക ഉയര്‍ത്തി. പി.ബി.അഹ് മദ് ഹാജി അധ്യക്ഷനായി.
പി.വി അബ്ദുല്‍ സലാം ദാരിമി, ജഅഫര്‍ സഅദി ഖത്തീബ് എമാര്‍ളം, ഖമറുദ്ദീന്‍ ഫൈസി ഖത്തീബ് എരിയപ്പാടി, ഉമറുല്‍ ഫാറൂഖ് ഖത്തീബ് സഅദി റഹ്മാനിയ നഗര്‍, ഇബ്രാഹിം സഅദി നാല്‍ത്തടുക്ക, എം.കെ അബ്ദുല്‍ റഹ്മാന്‍ ഹാജി, എം.എം അബൂബക്കര്‍ ഹാജി, അബ്ബാസ് ഫൈസി ചേരൂര്‍ എസ്.എം അബ്ദുല്‍ ഖാദര്‍ ഹാജി, സി.ബി മുഹമ്മദ്, അബ്ദുല്ല, ബി.എ മമ്മു, മുഹമ്മദ്, എ.ഐ ഇസ്മായില്‍, അമീര്‍ ഖാസി തുടങ്ങിയവര്‍ സംബന്ധിച്ചു.