ചേര്‍ത്തല : സംസ്ഥാനത്ത് വരുന്ന അധ്യായ വര്‍ഷം പ്രൈമറി സ്‌കൂളുകളില്‍ കപ്യൂട്ടര്‍ ലാബുകള്‍ തുടങ്ങാന്‍ 300 കോടി രൂപ ചിലവിടുമെന്ന് മന്ത്രി തോമസ് ഐസക്ക് പറഞ്ഞു. വെള്ളിയാകുളം ഗവ. യു.പി സ്‌ക്കൂളില്‍ ഹൈടെക്ക് ക്ലാസ്സ് മുറികളുടെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദേഹം.
സര്‍ക്കാര്‍ സ്‌കൂളുകളില്‍ ഒരോ വര്‍ഷവും വിദ്യാര്‍ത്ഥികള്‍ കൂടുന്നു. കേരളത്തിലാകെ ഒന്നര ലക്ഷത്തോളം വിദ്യാര്‍ഥികള്‍ സ്വകാര്യ സ്‌കൂളുകളില്‍ നിന്ന് റ്റി.സി വാങ്ങി സര്‍ക്കാര്‍ സ്‌കൂളുകളില്‍ ചേര്‍ന്നു കഴിഞ്ഞു.വിദ്യാഭ്യാസം മെച്ചപ്പെടുന്നു .പുതിയ പഠന ഉപകരങ്ങള്‍ ,കമ്പ്യൂട്ടര്‍ ലാമ്പ് ,ഹൈടെക്ക് ക്ലാസ്സ് മുറികള്‍എല്ലാം വരുന്നു .വെള്ളിയാകുളം യു പി സ്‌ക്കുളിന് ഒരു കോടി രൂപ സര്‍ക്കാര്‍ അനുവദിക്കും ഇത് ചിലവിടാന്‍ മാസ്റ്റര്‍ പ്ലാന്‍ തയ്യറാക്കാന്‍ മന്ത്രി നിര്‍ദേശിച്ചു.
ചടങ്ങില്‍ പഞ്ചായത്ത് പ്രസിഡന്റ് അഡ്വ: പി.എസ്.ജ്യോതിസ് അദ്ധ്യക്ഷത വഹിച്ചു .പ്രഭാ മധു ,സിന്ധുവിനു ,ഡോ :ബേബി കമലം ,രേഷ്മ രംഗനാഥ് ,ഡി. ബിനിത ,സുധര്‍മ്മ സന്തോഷ് ,കെ.ജെ.സെബാസ്റ്റ്യന്‍, എം.മധു ,മറിയാമ്മ ,സനില്‍നാഥ് കൊച്ചുകരി ,കെ .സി .രമേശ് ബാബു ,ഹെഡ്മാസ്റ്റര്‍ ഡി. ബാബു ,ആര്‍.സന്തോഷ് കുമാര്‍ തുടങ്ങിയവര്‍ സംസാരിച്ചു.