മൊഗാദിഷു: സോമാലിയന്‍ പാര്‍ലമെന്റിനു സമീപം കാര്‍ബോംബ് സ്‌ഫോടനം. രണ്ടു പേര്‍ കൊല്ലപ്പെടുകയും നിരവധി പേര്‍ക്ക് പരുക്കേല്‍ക്കുകയും ചെയ്തു.
ഇന്നലെ വൈകിട്ട് തലസ്ഥാനമായ മൊഗാദിഷുവില്‍ പാര്‍ലമെന്റിനടുത്തുള്ള സൈനിക ചെക്ക്‌പോസ്റ്റിലായിരുന്നു സംഭവം. സംശയം തോന്നിയ കാര്‍ നിര്‍ത്താന്‍ ആവശ്യപ്പെട്ടപ്പോഴാണ് സ്‌ഫോടനമുണ്ടായത്. ഒരു സൈനികനും ഭീകരനുമാണു സംഭവത്തില്‍ കൊല്ലപ്പെട്ടത്. പാര്‍ലമെന്റിനടുത്തുള്ള പ്രസിഡന്റിന്റെ കൊട്ടാരത്തില്‍നിന്ന് വെറും 200 മീറ്റര്‍ അകലെയാണ് സ്‌ഫോടനം നടന്നത്.