കൊണ്ടോട്ടി: ഇന്ത്യയില്‍ നിന്നുള്ള ഹജ്ജ് തീര്‍ഥാടകര്‍ക്ക് താമസ കെട്ടിടങ്ങളടക്കമുള്ള സൗകര്യങ്ങള്‍ കണ്ടെത്താന്‍ കേന്ദ്രഹജ്ജ് സംഘം സഊദിയിലെത്തി.
കേന്ദ്ര ഹജ്ജ് കമ്മിറ്റി എക്‌സിക്യൂട്ടീവ് ഡയറക്ടര്‍ ഡോ. മസൂദിന്റെ നേതൃത്വത്തിലുള്ള സംഘവും ഹജ്ജ് ബില്‍ഡിങ് സെലക്ഷന്‍ കമ്മിറ്റിയുമാണ് ജിദ്ദയിലെത്തിയത്.
കെട്ടിടങ്ങളുടെ വാടക, ഹജ്ജ് വിസാ സ്റ്റാമ്പിങ്, യാത്രയ്ക്കാവശ്യമായ വാഹനങ്ങള്‍ തുടങ്ങിയവയെക്കുറിച്ച് ചര്‍ച്ച നടത്തും. കെട്ടിടങ്ങള്‍ക്ക് മുന്‍വര്‍ഷത്തേക്കാള്‍ കുറഞ്ഞ തുക വാടക വര്‍ധിക്കുമെന്നാണ് സൂചന. മുഴുവന്‍ തുകയും ചേര്‍ത്താണ് ഹജ്ജിന്റെ രണ്ടാംഗഡു പണം നിശ്ചയിക്കുക.