ഓക്ക്‌ലന്‍ഡ്: ന്യൂസിലന്‍ഡിനെതിരായ ഒന്നാം ക്രിക്കറ്റ് ടെസ്റ്റില്‍ ഇംഗ്ലണ്ട് പൊരുതുന്നു. മഴയെ തുടര്‍ന്ന് ടെസ്റ്റിന്റെ രണ്ട് ദിനങ്ങളില്‍ ഭൂരിഭാഗവും നഷ്ടമായപ്പോള്‍ നാലാം ദിനം കളി നടന്നു.
ഇംഗ്ലണ്ടിനെ 58 റണ്‍സില്‍ പുറത്താക്കി ഒന്നാം ഇന്നിങ്‌സ് ബാറ്റ് ചെയ്ത ന്യൂസിലന്‍ഡ് എട്ട് വിക്കറ്റ് നഷ്ടത്തില്‍ 427 റണ്‍സെന്ന മികച്ച സ്‌കോറില്‍ ഇന്നിങ്‌സ് ഡിക്ലയര്‍ ചെയ്തു.
രണ്ടാം ഇന്നിങ്‌സ് തുടങ്ങിയ ഇംഗ്ലണ്ട് നാലാം ദിനം കളി നിര്‍ത്തുമ്പോള്‍ മൂന്ന് വിക്കറ്റ് നഷ്ടത്തില്‍ 132 റണ്‍സെന്ന നിലയില്‍ ഏഴ് വിക്കറ്റുകള്‍ ശേഷിക്കേ ഇംഗ്ലണ്ടിന് ന്യൂസിലന്‍ഡിന്റെ സ്‌കോറിനൊപ്പമെത്താന്‍ 237 റണ്‍സ് കൂടി വേണം.
അവസാന ദിനമായ ഇന്ന് 237 റണ്‍സെടുക്കാന്‍ അനുവദിക്കാതെ ഇംഗ്ലണ്ടിന്റെ ശേഷിച്ച ഏഴ് വിക്കറ്റുകള്‍ വീഴ്ത്തി ഇന്നിങ്‌സ് വിജയം സ്വന്തമാക്കാനുള്ള അവസരമാണ് കിവികള്‍ക്കുള്ളത്.
കളി നിര്‍ത്തുമ്പോള്‍ ഡി.ജെ മാലനാണ് ഇംഗ്ലണ്ടിനായി ക്രീസില്‍. കെയ്ന്‍ വില്ല്യംസന് പുറമേ മധ്യനിരയില്‍ നിക്കോള്‍സ് (145) സെഞ്ച്വറി നേടി പുറത്താകാതെ നിന്നതാണ് കിവികളുടെ കൂറ്റന്‍ സ്‌കോറിന് കരുത്തായത്.