ഹരാരെ: ഐ.സി.സി ലോകകപ്പ് യോഗ്യതാ മത്സരത്തിലെ കിരീടം അഫ്ഗാനിസ്ഥാന്‍ സ്വന്തമാക്കി. ഫൈനല്‍ പോരാട്ടത്തില്‍ വെസ്റ്റിന്‍ഡീസിനെ ഏഴ് വിക്കറ്റിന് കീഴടക്കിയാണ് അവര്‍ കിരീടം നേടിയത്. ഇരു ടീമുകളും നേരത്തെ തന്നെ യോഗ്യത നേടിയിരുന്നു.
ആദ്യം ബാറ്റ് ചെയ്ത വെസ്റ്റിന്‍ഡീസിനെ 204 റണ്‍സില്‍ പുറത്താക്കിയ അഫ്ഗാന്‍ 40.4 ഓവറില്‍ മൂന്ന് വിക്കറ്റ് മാത്രം നഷ്ടത്തില്‍ 206 റണ്‍സെടുത്താണ് വിജയത്തിലെത്തിയത്.