നാദാപുരം: ഏപ്രില്‍ ഒന്ന് മുതല്‍ സര്‍ക്കാര്‍ സേവനങ്ങള്‍ക്ക് അഞ്ചു ശതമാനം വര്‍ധനവ് നല്‍കേണ്ടി വരും.
വിവിധ സര്‍ക്കാര്‍ വകുപ്പുകള്‍, പൊതുമേഖല, ഗ്രാന്‍ഡ് ഇന്‍ എയ്ഡ് എന്നിവിടങ്ങളില്‍ നിന്നു പൊതുജനങ്ങള്‍ക്ക് നല്‍കി വരുന്ന സേവനങ്ങള്‍ക്കാണ് നിരക്ക് വര്‍ധനവ്.
ഏപ്രില്‍ ഒന്ന് മുതല്‍ അഞ്ചു ശതമാനം വര്‍ധനവ് വരുത്തിക്കൊണ്ട് സര്‍ക്കാര്‍ ഉത്തരവ് ഇറങ്ങി. സര്‍ക്കാര്‍ വകുപ്പുകളുമായി ബന്ധപ്പെട്ട സേവന നിരക്കുകകളില്‍ വര്‍ധനവ് വരുത്തുമെന്ന് കഴിഞ്ഞ ബജറ്റ് അവതരണ വേളയില്‍ ധന മന്ത്രി പ്രഖ്യാപിച്ചിരുന്നു.
നിലവിലെഎല്ലാ നിരക്കുകളിലും അഞ്ചുശതമാനം വര്‍ധനവ് വരുത്തിയ തുക അഞ്ചു രൂപയുടെ ഗുണിതമായ തുകയല്ലെങ്കില്‍ തൊട്ടടുത്ത അഞ്ചിന്റെ ഗുണിതമായ തുക പുതു നിരക്കായി നിശ്ചയിക്കാനാണ് നിര്‍ദേശം.