കല്‍പ്പറ്റ: സ്വന്തം പ്രസ്ഥാനത്തിലെ ആളുകള്‍ മാത്രം പെങ്കെടുത്ത വേദിയില്‍ ഫാറൂഖ് കോളജ് അധ്യാപകന്‍ ജവഹര്‍ മുനവ്വര്‍ നടത്തിയ പരാമര്‍ശത്തെ സന്ദര്‍ഭത്തില്‍ നിന്ന് അടര്‍ത്തിയെടുത്ത് സ്ത്രീവിരുദ്ധ പരാമര്‍ശമായി ചിത്രീകരിച്ച് ദുരാരോപണങ്ങളുമായി രംഗത്തുവന്ന കപട മതേതരവാദികളും കള്ള സദാചാരവാദികളും ആയ ചിലര്‍ക്ക് കുടപിടിക്കാന്‍ ശ്രമിക്കുന്ന പൊലിസ് നടപടി പ്രതിഷേധവും അപലപനീയവുമാണെന്ന് എസ്.കെ.എസ്.എസ്.എഫ് ജില്ലാ കമ്മിറ്റി അഭിപ്രായപ്പെട്ടു.
വെങ്ങപ്പള്ളി ശംസുല്‍ ഉലമാ അക്കാദമിയില്‍ ചേര്‍ന്ന പ്രവര്‍ത്തകസമിതിയില്‍ ജില്ലാ പ്രസിഡന്റ് മൊയ്തീന്‍കുട്ടി യമാനി അധ്യക്ഷനായി. ഷൗക്കത്തലി വെള്ളമുണ്ട, അബ്ദുല്ലത്തീഫ് വാഫി, ഖാസിം ദാരിമി, സാജിദ് മൗലവി, അബൂബക്കര്‍ റഹ്മാനി, അബ്ബാസ് വാഫി സംസാരിച്ചു. സെക്രട്ടറി അയ്യൂബ് മുട്ടില്‍ സ്വാഗതവും ഷാഹിദ് ഫൈസി നന്ദിയും പറഞ്ഞു.