ആലുവ: അമ്പാട്ടുകാവ് ഈസ്റ്റ് റസിഡന്റ്‌സ് അസോസിയേഷന്‍ നടപ്പാക്കുന്ന ' എന്റെ ഗ്രാമം സുരക്ഷിത ഗ്രാമം ' പദ്ധതിയുടെ ഭാഗമായി സ്ഥാപിച്ച നിരീക്ഷണ കാമറകളുടെ ഉദ്ഘാടനം അന്‍വര്‍ സാദത്ത് എം.എല്‍.എ നിര്‍വഹിച്ചു. അസോസിയേഷന്‍ രക്ഷാധികാരി എം. വിശ്വാനാഥ കുറുപ്പ് അധ്യക്ഷത വഹിച്ചു. ചൂര്‍ണിക്കര പഞ്ചായത്ത് പ്രസിഡന്റ് എ.പി ഉദയകുമാര്‍, ബ്ലോക്ക് പഞ്ചായത്തംഗം സി.കെ ജലീല്‍, ആലുവ ഈസ്റ്റ് പൊലിസ് സബ്ബ് ഇന്‍സ്‌പെക്ടര്‍ വി.ഡി രജിലാല്‍, പി.എ നാസര്‍, അസോസിയേഷന്‍ പ്രസിഡന്റ് സുനില്‍ കടവില്‍, കെ.എ ഷെമീര്‍, ഉമാ ചന്ദ്രമോഹന്‍, ശ്രീദേവി രാജു എന്നിവര്‍ സംസാരിച്ചു. സംസ്ഥാന മാധ്യമ അവാര്‍ഡിനു അര്‍ഹനായ ശരത്ത് അമ്പാട്ടുകാവിനെ ചടങ്ങില്‍ അനുമോദിച്ചു.