കാക്കനാട്: വിദ്യാഭ്യാസ രംഗത്ത് ആഗോള പ്രശസ്തി നേടിയ ജെംസ് സ്‌കൂള്‍ ഇനി മുതല്‍ കൊച്ചിയിലും. ലോകത്ത് തന്നെ ഏറെ പ്രചാരമുള്ള കെ 12 സ്‌കൂള്‍ ആണ് ജെംസ് എജ്യുക്കേഷന്റെ കൊച്ചിയിലുള്ള ലിറ്റില്‍ ജെംസ് ഇന്റര്‍നാഷണലും ജെംസ് മോഡേണ്‍ അക്കാഡമിയും. ഇവയുടെ വാര്‍ഷികാഘോഷച്ചടങ്ങുകള്‍ സ്മാര്‍ട്ട് സിറ്റിയുടെ ഒന്നാംഘട്ട കാംപസില്‍നടന്നു. പ്രിന്‍സിപ്പല്‍ റെനീഷ് മാത്യു അധ്യക്ഷത വഹിച്ച ചടങ്ങില്‍ സ്മാര്‍ട്ട് സിറ്റി ചീഫ് എക്‌സിക്യുട്ടീവ് ഓഫീസര്‍ മനോജ് നായര്‍ ഉദ്ഘാടനം നിര്‍വഹിച്ചു.
കെ 12 പാന്‍ ഇന്ത്യ ജിഎംസ് സ്‌കൂള്‍ ഉപദേശകന്‍ പീറ്റര്‍ ലഗ് ചടങ്ങില്‍ സംബന്ധിച്ചു. കൊച്ചി സ്മാര്‍ട് സിറ്റിയില്‍ ഈ അധ്യയന വര്‍ഷം മുതല്‍ പുതിയ സ്‌കൂളിന്റെ പ്രവര്‍ത്തനം ആരംഭിക്കുമെന്ന് റെനീഷ് മാത്യു പറഞ്ഞു.
വിദ്യാഭ്യാസ മേഖലയില്‍ ലോകമെമ്പാടും ഇതിനോടകം പ്രശസ്തമായിക്കഴിഞ്ഞ ജെംസ് സ്‌കൂളിന്റെ ഇന്ത്യയിലെ പതിനാറാമത്തെ സ്‌കൂളാണ് ജൂണ്‍ 4 മുതല്‍ പ്രവര്‍ത്തനം ആരംഭിക്കുന്നത്. ഐ.സി.എസ്.സി സിലബസിനൊപ്പം അന്തര്‍ദേശീയ തലത്തില്‍ ബ്രാന്‍ഡഡ് ആയ ഐ ബി എജുക്കേഷണന്‍ സിസ്റ്റമാണ് കൊച്ചിയിലും നടപ്പിലാക്കുക. കേരളത്തില്‍കൊച്ചിക്ക് പുറമെ മറ്റു ഇന്ത്യന്‍ നഗരങ്ങളിലും സ്‌കൂള്‍ ആരംഭിക്കാന്‍ ആലോചനയുണ്ടെന്ന് പ്രിന്‍സിപ്പല്‍ റെനീഷ് മാത്യു പറഞ്ഞു.