തുറവൂര്‍: പട്ടണക്കാട് എന്‍.എസ്.എസ് വനിതാസമാജം സാമൂഹ്യ സേവന രംഗത്ത്. സമൂഹത്തില്‍ സാമ്പത്തികമായി പിന്നോക്കം നില്‍ക്കുന്നവര്‍ക്ക് കൂട്ടായ്മയിലൂടെ സഹായമെത്തിക്കാനായി ഒരു പിടി അരി ഒരു കൈത്താങ്ങ് എന്ന പദ്ധതിയാണ് നടപ്പാക്കിയിരിക്കുന്നത്. അംഗങ്ങളില്‍ നിന്ന് സമാഹരിക്കുന്ന അരി തിരഞ്ഞെടുത്ത വനിതകള്‍ക്ക് മാസം തോ റും നല്‍കുന്നതാണ് പദ്ധതി. പട്ടണക്കാട് എന്‍.എസ്.എസ്.കരയോഗത്തിന്റെ പിന്തുണയോടെയാണ് വനിതാസമാജം സേവനം ഏറ്റെടുത്തിരിക്കുന്നത്. എന്‍.എസ്.എസ്.വനിതാസമാജം യൂണിയന്‍ ഖ ജാന്‍ജി ശ്രീദേവി ഉദ്ഘാടനം ചെയ്തു.
എന്‍.എസ്.എസ്.കരയോഗം പ്രസിഡന്റ് പി.എന്‍.രാധാകൃഷ്ണന്‍ ,സെക്രട്ടറി സുരേഷ് ബാബു, സരസ്വതിയമ്മ എന്നിവര്‍ പ്രസംഗിച്ചു.വനിതാസമാജം പ്രസിഡന്റ് ഇന്ദിരാദേവി അധ്യക്ഷനായി.