ജിദ്ദ: സഊദിയുടെ വിവിധ ഭാഗങ്ങളിലെ പരിശോധനയില്‍ ഇഖാമയുള്ളവരെ പോലും പിടികൂടുന്നതായി പരാതി ഉയരുന്നു. നിയമലംഘകരില്ലാത്ത രാജ്യമെന്ന കാംപയിനിന്റെ ഭാഗമായി നടക്കുന്ന പൊലിസ് പരിശോധനകളിലാണ് ഇഖാമയുള്ളവരും പിടിയിലാകുന്നത്.
രേഖകളെല്ലാമുണ്ടായിട്ടും ഇന്ത്യക്കാരായ നിരവധി പേര്‍ പൊലിസ് പിടിയിലാവുന്നുണ്ടെന്നും അതിന് പരിഹാരം വേണമെന്നും ആവശ്യപ്പെട്ട് സാമൂഹ്യ പ്രവര്‍ത്തകന്‍ വിദേശകാര്യമന്ത്രി സുഷമ സ്വരാജിന് പരാതി നല്‍കിയിരുന്നു. അതേസമയം, പിടിക്കപ്പെട്ടാലും രേഖകള്‍ ശരിയാണെങ്കില്‍ പേടിക്കാനില്ലെന്ന് ഇന്ത്യന്‍ എംബസി വ്യക്തമാക്കി.