മണ്ണാര്‍ക്കാട്: സത്യം, സഹനം, സമാധാനം എന്ന പ്രമേയത്തില്‍ 2018 ഡിസംബര്‍ 28, 29, 30 തിയ്യതികളില്‍ വല്ലപ്പുഴയില്‍ നടക്കുന്ന സമസ്ത ജില്ലാ സമ്മേളനത്തിന്റെയും സംഘടനാ ശാക്തീകരണത്തിന്റെയും ഭാഗമായി സംഘടിപ്പിക്കുന്ന അല്‍മിസ്ബാഹ് ജില്ലാ ഖുത്വബാ സമ്മിറ്റ് 2018 മെയ് എട്ടിന് ചൊവ്വ രാവിലെ ഒന്‍പതു മണി മുതല്‍ ഉച്ചക്ക് രണ്ടു മണി വരെ വാണിയംകുളം മാനു മുസ്‌ലിയാര്‍ ഇസ്‌ലാമിക് കോംപ്ലക്‌സില്‍ നടക്കും.
ജില്ലാ പ്രസിഡന്റ് പി.കെ. ഇമ്പിച്ചിക്കോയ തങ്ങള്‍ കൊടക്കാട് അധ്യക്ഷനാകും. സമസ്ത ട്രഷറര്‍ സി.കെ.എം. സ്വാദിഖ് മുസ്‌ലിയാര്‍ ഉദ്ഘാടനം നിര്‍വഹിക്കും.
ഉസ്‌വത്തുല്‍ ഹസന എന്ന വിഷയത്തില്‍ ആസിഫ് ദാരിമി പുളിക്കലും ഇടപെടലുകളുടെ രീതി ശാസ്ത്രം എന്ന വിഷയത്തില്‍ സിറാജുദ്ദീന്‍ മാസ്റ്റര്‍ പറവത്തും ക്ലാസ് അവതരിപ്പിക്കും.
ഏപ്രില്‍ 10, 17 തിയ്യതികളില്‍ ജില്ലയിലെ എല്ലാ മേഖലാ കണ്‍വന്‍ഷനുകളും നടക്കും. ജില്ലാ പ്രതിനിധികള്‍ ഓരോ കണ്‍വന്‍ഷനിലും സംബന്ധിക്കും.
ഏപ്രില്‍ 10ന് തൃത്താല, പട്ടാമ്പി, കൊപ്പം മേഖലാ കണ്‍വന്‍ഷനുകള്‍ മേഖല കണ്‍വീനര്‍ ഹംസ ഫൈസി കട്ടുപ്പാറയുടെ നേതൃത്വത്തില്‍ പട്ടാമ്പിയിലും ചെര്‍പ്പുളശ്ശേരി, ഒറ്റപ്പാലം മേഖലാ കണ്‍വന്‍ഷനുകള്‍ ഫസ്‌ലുറഹ്മാന്‍ ഹുദവിയുടെ നേതൃത്വത്തില്‍ പനമണ്ണയിലും നടക്കും.
ഏപ്രില്‍് 17ന് പാലക്കാട്, കുഴല്‍മന്ദം, ചിറ്റൂര്‍ മേഖലാ കണ്‍വന്‍ഷനുകള്‍ കണ്‍വീനര്‍ ശാഫി ഫൈസിയുടെ നേതൃത്വത്തില്‍ പാലക്കാടും മണ്ണാര്‍ക്കാട്, അലനല്ലൂര്‍, മുണ്ടൂര്‍ മേഖലാ കണ്‍വന്‍ഷനുകള്‍ റഹീം ഫൈസി അക്കിപ്പാടത്തിന്റെ നേതൃത്വത്തില്‍ മണ്ണാര്‍ക്കാട് ഇസ്‌ലാമിക് സെന്ററിലും ആലത്തൂര്‍, നെന്‍മാറ, വടക്കഞ്ചേരി മേഖലാ കണ്‍വന്‍ഷനുകള്‍ കണ്‍വീനര്‍ ഷിഹാബുദ്ദീന്‍ അന്‍വരിയുടെ നേതൃത്വത്തില്‍ ആലത്തൂരിലും നടക്കും.
എസ്.എം.എഫ്. മേഖലാ കമ്മിറ്റി ഭാരവാഹികള്‍ ജില്ലാ കണ്‍വന്‍ഷനുകളില്‍ പങ്കെടുക്കുമെന്ന് ജില്ലാ ജനറല്‍ സെക്രട്ടറി ടി.എച്ച്. സുലൈമാന്‍ ദാരിമി അറിയിച്ചു.