പെരിന്തല്‍മണ്ണ: അലിഗഢ് മുസ്‌ലിം സര്‍വകലാശാല മലപ്പുറം കേന്ദ്രത്തിലെ വിദ്യാഭ്യാസ വിഭാഗവും ഇറം എജ്യൂക്കേഷന്‍ വെല്‍ഫെയര്‍ ട്രസ്റ്റും സംയുക്തമായി സംഘടിപ്പിക്കുന്ന 'എജ്യൂസിയര്‍-18' വിദ്യാഭ്യാസ മേള വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥന്‍ ഉദ്ഘാടനം ചെയ്യും. ചോലാമലയിലെ സര്‍വകലാശാല കേന്ദ്രത്തിലും കരിങ്ങനാട് ഇറം പബ്ലിക് സ്‌കൂളിലുമായി രണ്ടു മുതല്‍ അഞ്ചുവരെയാണ് മേള. ഇതിന്റെ ഭാഗമായി 'സാങ്കേതിക അധ്യാപന ശാസ്ത്രം; സാധ്യതകളും വെല്ലുവിളികളും' വിഷയത്തില്‍ ദേശീയ വിദ്യാഭ്യാസ സെമിനാര്‍ നടക്കും. വിവിധ സെഷനുകളിലായി സ്പീക്കര്‍ പി.ശ്രീരാമകൃഷ്ണന്‍, ഇ.ടി മുഹമ്മദ് ബഷീര്‍ എം.പി, മഞ്ഞളാംകുഴി അലി എം.എല്‍.എ, പ്രൊഫ. മുഹമ്മദ് മുസ്തഫ, ഡോ. സെന്തില്‍ നാഥന്‍, ഡോ. സിദ്ദീഖ് അഹമ്മദ് എന്നിവര്‍ സംബന്ധിക്കുമെന്നു കേന്ദ്രം ഡയരക്ടര്‍ കെ.എം അബ്ദുല്‍ ഗഫൂര്‍ അറിയിച്ചു.