തിരുവനന്തപുരം: ഈ വര്‍ഷത്തെ എസ്.എസ്.എല്‍.സി പരീക്ഷ അവസാനിച്ചു. സംസ്ഥാനത്തിനകത്തും പുറത്തുമുള്ള 2,935 കേന്ദ്രങ്ങളില്‍ നിന്നായി നാലര ലക്ഷത്തോളം വിദ്യാര്‍ഥികള്‍ പരീക്ഷയെഴുതി. മൂല്യനിര്‍ണയം ഏപ്രില്‍ ആറു മുതല്‍ 20 വരെ നടക്കും. ഇതിനായി 54 കേന്ദ്രങ്ങളാണ് സജ്ജമാക്കുന്നത്. മൂല്യനിര്‍ണയത്തിനായുള്ള സ്‌കീം ഫൈനലൈസേഷന്‍ ക്യാംപുകള്‍ ഏപ്രില്‍ രണ്ട്, മൂന്ന് തിയതികളിലായും നടക്കും.
മൂല്യനിര്‍ണയം പൂര്‍ത്തിയായി ഒരാഴ്ച്ചക്കുള്ളില്‍ ഫലപ്രഖ്യാപനം നടത്താനാകുമെന്നാണ് പ്രതീക്ഷ. ഈ മാസം ഏഴിനായിരുന്നു പരീക്ഷ തുടങ്ങിയത്. ഒരു വിഷയവും തലവേദനയായില്ലെന്നാണ് പരീക്ഷക്കു ശേഷമുള്ള വിദ്യാര്‍ഥികളുടെ പ്രതികരണം.